Милица Тодоровиќ е во петтиот месец од бременоста и очекува син, а според пишувањата на медиумите, таа веќе одлучила како ќе се вика нејзиниот наследник.
Пејачката решила на синот да му го даде името Милан, по својот татко со кого е многу блиска.
Името Милан е едно од најчестите на нашите простори, но и пошироко. Потекнува од старословенскиот збор „мил“, што значи „драг“. Покрај словенското потекло, името има и други значења во други јазици.
Да потсетиме, Милица неодамна го прослави својот 35-ти роденден, а од партнерот добила скап подарок.
– Милица е активна трудница и се чувствува одлично. Иако не се појавува на јавни настани, реши да ги собере најблиските и да го прослави роденденот. Овој ѝ е најдраг од сите досега затоа што е бремена и конечно ѝ се исполнува најголемата желба – ќе стане мајка. Поради сè убаво што ѝ се случува во последно време, таа организираше вечер за паметење со блиските луѓе. Не славеше само роденден, туку и тоа што нејзиното, но и семејството на нејзиниот партнер, наскоро ќе биде побогато за уште еден член. Вечерта беше совршена – уживавме во добра храна, пијалак и музика, а Милица цело време беше насмеана и играше без престан – изјавил извор за „Информер“ и додал:
– Тие двајца љубоморно ја чуваат својата врска и не дозволуваат детали да излезат во јавност. Милица е среќна жена затоа што нашла партнер кој ја третира како принцеза и се труди во сè да ѝ угоди. За време на прославата беа насмеани и видно заљубени, а по дувањето на свеќичките, тој ја изненади со кутија во која имало часовник од марката „Ролекс“. Таа останала без зборови, бидејќи ѝ го купил моделот што долго го посакувала, а со часовникот ѝ дал и емотивна порака поради која се расплакала. Не можела да замисли дека вечерта ќе биде толку посебна. Пред сите присутни рекла дека е горда на својот избор и дека е среќна што Бог ја погледнал и ѝ пратил вистински маж.
