Актерката Мила Јовович пред десетина дена ја роди ќерката, меѓутоа веднаш по раѓањето на девојчето следуваа проблеми, бидејќи малата Ошин Ларк Елиот Јовович-Андерсон добила тежок облик на жолтица.
Мила поради жолтицата која ја добила Ошин не може да ја дои својата ќерка, туку ја храни од шише, а при хранењето на сестричката посебно помага четиригодишната Дашијел.
– Нема поубава глетка од онаа да ги гледате своите деца како се сакаат и го ценат времето поминато заедно. Дашијел не може да се засити од својата сестра и ја храни секогаш кога ќе може. Ошин моментално има жолтица од која не може да се ослободи и цела недела сме во болница. Докторите рекоа дека треба да пие многу млеко, бидејќи така побргу ќе оздраве. Но, проблемот е во тоа што Ошин брзо заспива по доењето, па моравме да воведеме хранење од шишенце за да добива повеќе млеко – објаснува актерката со фотографија на Инстаграм.
Таа додава и дека нејзината ќерка има многу гребнатинки на петите, од каде што ѝ земале крв за да ѝ извршат тестирања, но актерката е оптимист дека последниот тест ќе покаже дека е сè во ред со нејзината ќеркичка.
