Антонио Бандерас и Мелни Грифит се запознаа на снимањето на комедијата „Too Much“, а истата година се венчаа и ја добија ќерката Стела.
Актерот Антонио Бандерас изјави дека се уште на дневна база разговара со поранешната сопруга Мелани Грифит и истакна дека таа секогаш ќе биде дел од неговото семејство. Парот се раздели во 2015 година, но сепак останаа блиски пријатели.
59-годишниот актер истакна дека со 62-годишната Мелани поминал прекрасни години, а ја имаат и ќерката Стела (24) која заедно ја одгледуваат. „Мислам дека никој од нас не сака да се откаже од 20-годишниот брак. Луѓе сме и грешиме како и сите други“, изјави Бандерас. Тој додаде дека Мелани секогаш ќе му биде најдобра пријателка.
Антонио и Мелани се запознаа на снимањето на комедијата „To Much“, а врската ја започнаа веднаш. Се венчаа во Лондон во 1996 година по само неколку недели врска, а истата година е родена и нивната ќерка Стела.
„Имаме прекрасна ќерка која и двајцата ја сакаме и многу сме среќни“, говореа Бандерас и Грифит. Стела денес е манекенка, а уште како девојче глумеше со мајка и во филмовите. На крајот се одлучи за пресврт во кариерата, но родителите ја поддржаа. Родена е во Марбеља, но порасна во Лос Анџелес.
Бандерас и Грифит веќе долго не живеат заедно, но актерот редовно ги посетува ќерката и поранешната сопруга, и за нив сето тоа е природно. Светските медиуми со години пишуваа дека тие се еден од најцврстите парови во Холивуд, но за жал и на нивната љубов и дојде крајот.
Актерката има уште две деца, Дакота (30) која ја доби со Дон Џонсон за кој се мажеше два пати и синот Александар (34) од Стивен Бауер.
