Поранешната руска тенисерка, 33-годишната Марија Шарапова, конечно ќе го изговори судбоносното „да“. Таа се сврши со британскиот милионер Александар Гилкес, со кого е во врска од 2018 година, а убавата вест ја сподели на социјалните мрежи.
– Реков „да“ уште првиот ден кога те запознав. Тоа беше нашата мала тајна, нели? – напиша среќната Марија во описот на нивната заедничка фотографија.
Гилкес е роден во Лондон и потекнува од богато семејство, неговиот татко е познат стоматолог, а мајка му е професорка на Оксфорд. Студирал на престижен колеџ и се дружи со британскиот џет сет. а е добар пријател со принцовите Вилијам и Хари.
Претходно бил во брак со дизајнерката и стилистка Миша Ноно, која наводно ја запознала Меган Маркл со принцот Хари.
