Сораја Вучелиќ, која последниве години е посветена на семејниот живот, си дозволи мал одмор од мајчинските обврски и замина во Дубаи, каде што присуствуваше на ексклузивен настап на Саша Матиќ.
Настанот беше вистински спектакл, а Вучелиќ се појави во луксузно издание, опкружена со блиски пријатели.
Како што пренесува српскиот „Курир“, друштвото потрошило околу 100.000 евра за една вечер. Најголем дел од сумата бил потрошен на резервации на ексклузивни сепареа и десетици шишиња шампањ „Дом Перињон“, кои биле нарачани повеќе за визуелниот ефект отколку за вистинска консумација.
Фотографиите и видеата од вечерта го откриваат гламурот и атмосферата која владеела на настанот, каде Саша Матиќ уште еднаш покажа зошто е еден од најпопуларните пејачи на Балканот.
