Ханка Палдум повторно се најде во центарот на вниманието, откако Бојан Томовиќ јавно ѝ упати порака на социјалните мрежи, и покрај нивното нарушено пријателство.
По заедничката соработка на песната „Jedan je dom“, меѓу нив се развило блиско пријателство, но Томовиќ не криел дека има симпатии кон пејачката. Ситуацијата се влошила кога ѝ испратил провокативни фотографии, по што Палдум реагирала бурно и го блокирала.
Иако соработката меѓу нив прекинала, Томовиќ неодамна повторно ја изненади јавноста со јавна објава.
„Среќен роденден, љубов моја несудена“, напиша тој на Инстаграм, споделувајќи фотографија од Палдум.
Пејачот и претходно призна дека ѝ испратил интимна фотографија, што дополнително го влошило нивниот однос.
„Тоа е вистинска приказна. Ханка многу се налути на мене поради фотографијата, но и поради објава на Инстаграм. Ѝ посветив статус, а таа ме блокираше. Што да правам, сакам постари, а уште ако се русокоси – таа ги исполнува сите мои критериуми“, изјави Томовиќ.
