Легендарната пејачка на народна музика Лепа Лукиќ неодамна завршила во болница, откако доживеала незгода за време на обично пазарување.
Како што откри самата, таа паднала среде продавница и притоа сериозно ја повредила ногата, при што добила две скршеници.
„Паднав на колена и ги изгребав. Ногата ми се преврте и дојде до скршеница на две места. Подготвувам еден напиток и млак го ставам на ногата. Го користев седум дена и болките речиси исчезнаа. Закрепнувањето оди полека, но сè уште не можам никаде да излегувам“, изјавила Лукиќ.
Пејачката открила дека лекарите првично ѝ ставиле гипс, но не можела да го издржи, па се одлучила за лонгета.
„Имам болки, но се подносливи. Веќе 17 дена носам лонгета. Ми ставија гипс, но го извадив бидејќи не можев да издржам. Моите заминаа и ми купија лонгета“, објаснила таа.
И покрај повредата, Лепа Лукиќ не ги откажала професионалните обврски.
„Вчера дури и снимав. Морав да користам одалка. Ногата ми беше потпрена на мало столче, а сите ме пофалија и рекоа дека сум голем професионалец. Добив и голем аплауз“, рекла пејачката.
Иако закрепнувањето сè уште трае, Лукиќ вели дека состојбата постепено се подобрува и дека се надева наскоро повторно да им се врати на секојдневните активности.
