Тој посебно се залага за спас на жирафите.
Леонардо Дикапиро донираше 15,6 милиони долари за спас на ретките видови животни и зачувување на животната средина. Познатиот глумец со години одвојува пари за спас на животната средина преку неговата фондација.
Фондацијата Леонардо Дикаприо е дизајнирана со идејата за заштита на последните диви места на светот и спас на загрозените видови од изумирање.
Тој посебно се залага за спас на жирафите.
Фондацијата е основана во 1998 година, кога Леонардо имал само 24 години. Тој е загрижен, бидејќи климатските промени негативно влијаат на биолошката разновидност на Земјата.
Преку фондацијата, која собрала стотици милиони долари за проекти во повеќе од 40 земји и пет океани, Дикаприо поддржува и други еколошки организации, како на пример „Светскиот фонд за дивина“.
