Ќерките на Јелена Карлеуша, Атина и Ника Тошиќ, кои таа ги доби во бракот со фудбалерот Душко Тошиќ, одлучија да започнат свој бизнис. Наследничките на Карлеуша наскоро ќе пласираат производ на пазарот, кој ќе ги воодушеви нивните врсници.
„Јелена минатата година го лансираше својот парфем, кој воодушеви многумина. Тој стана најпродаван, а таа е пресреќна бидејќи залихите постојано се обновуваат низ цела Србија. Следејќи го примерот на својата мајка, Атина и Ника одлучија да направат нешто слично“, открива добро информиран извор.
Атина и Ника долго размислувале како ќе изгледа сè, а последните шест месеци, заедно со тимот на Јелена, посветено работат на проектот. Разработиле јасен маркетиншки план, а бидејќи двете се многу популарни, примарна платформа за промоција ќе биде TikTok.
Душко и Јелена се неизмерно горди на своите ќерки и не штеделе средства за реализацијата на нивниот бизнис.
„Јелена е пресреќна. Општо е познато дека животот го посветила на своите ќерки и дека нивното воспитување ѝ е најважно. Ги поддржува целосно, а може да се каже дека е вклучена исто колку и тие. Финансиски, проектот го поддржува таа, но и Душко е дел од сето тоа, како финансиска и морална поддршка“, заклучува изворот.
