Јорданската кралица Ранија многумина ја сметаат за една од најинтелигентните дами од кралските дворови, а веќе 20 години со нејзиниот сопруг Абдулах Втори е на престолот на арапската држава.
Убавата кралица, освен по истенчениот моден стил, позната е и како голема заговорничка за еманципација на жените во арапскиот свет, а за сето тоа, како и за неопходноста од поголемо вклучување во образовниот процес, дала свое мислење во интервјуто за „Харперс базар Арабија“.
Ранија станала кралица на Јордан на 28 години и претставува симбол за модерна арапска жена. Се истакнува по тоа што секогаш е беспрекорно дотерана.
„Секогаш бирам облека во согласност со мојата функција. Не ги следам трендовите, туку го носам она во што се чувствувам добро. Најдобро се чувствувам во едноставна облека, тоа најдобро ме опишува. Секако, секогаш ќе има коментари на сметка на стилот, но повеќе би сакала да се зборува за мојата работа. Кога сте јавна личност тоа на некој начин спаѓа во опис на работата“, изјавила кралицата Ранија.
