Кортни Кардашијан (41), по тринаесет години одлучи да го напушти семејното реално шоу „Во чекор со Кардашијан“. Благодарение на ова шоу таа со нејзините сестри Ким (39) и Клои (36) станаа познати низ целиот свет.
Кардашијан истакна дека ги ограничила своите настапи, затоа што сака приватност, а тоа не е можно поради нејзината секојдневна присутност во медиумите.
„Снимав емисии постојано изминативе години. Се чувствував неисполнето, опкружувањето во реалното шоу стана токсично за мене и одзеде голем дел од мојот живот“, рече Кортни за Вог Арабија.
„Ја ценам приватноста и тешко ми е да најдам рамнотежа помеѓу приватните моменти и појавувањето во реалното шоу. Луѓето мислат дека не сакам да работам, што не е точно. Ја следам мојата среќа и ја вложувам мојата енергија во тоа што ме прави среќна“ – додаде таа.
За потсетување, Кортни по физичката пресметка со нејзината сестра Ким, која се емитуваше во една епизода од „Во чекор со Кардашијан“, одлучи постепено да се повлече од реалното шоу.
