Ана Ѓуриќ Констракта која ја претставуваше Србија на Евровизија доби наградата за најдобар текст на годинешното издание во Торино за песната „In corpore sano“.
Наградите се доделуваат врз основа на гласовите на следбениците на официјалната страна на „Песна на Евровизија“, а покрај претставникот на Србија, номинирани беа и претставниците на Италија и Португалија и победниците на натпреварот од Украина.
Ана го освои петтото место, што беше најдобар пласман на Србија на „Евровизија“ од 2012 година кога Жељко Јоксимовиќ беше трет.
Нејзината песна In corpore sano, уникатна комбинација на музика и концептуална уметничка изведба на сцената, ја воодушеви публиката ширум светот.
