Лажни сметки на Твитер, средба со вработените кои се жалат на условите во компанијата, или чисто економска причина, која вистина стои зад пишманењето на Маск за купување на социјалната мрежа.
Продолжува да се зборува за Илон Маск: по гласините за наводното татковство на близнаци од извршната директорка која работи за него, сега во центарот на вниманието повторно се неговите комерцијални операции. Да, бидејќи многу дискутираното купување на Твитер, објавено пролетва, се чини дека нема да го има: Маск, всушност, преку адвокатската канцеларија ја повлече импресивната бројка од 44 милијарди понудени за социјалната мрежа, а веста ја соопшти Комисијата за хартии од вредност (SEC), тело кое во САД се занимава со надзор на берзата.
Последиците – реалните и најавените – не чекаа долго. Американската берза разбирливо веднаш забележа пад на акциите на Твитер, кој во таканареченото тргување изгуби 9% од вредноста на берзата. Но, реакција стигна и од социјалната мрежа која во соопштение наведе дека сака да ја продолжи операцијата со првично понудената сума од Маск, односно околу 54 долари по акција, а од друга страна, најави и тужба ако Маск се откаже.
The Twitter Board is committed to closing the transaction on the price and terms agreed upon with Mr. Musk and plans to pursue legal action to enforce the merger agreement. We are confident we will prevail in the Delaware Court of Chancery.
— Bret Taylor (@btaylor) July 8, 2022
Според направените договори, во случај на откажување, Маск треба да плати „казна“ од една милијарда долари.
За волја на вистината, преговорите веќе неколку дена беа влезени во сложена фаза и всушност беа прекинати. Еден од клучните спорови бил оној на спам-ботови, односно профили кои не се реални, туку управувани од автоматизирани програми. За ова, Илон Маск побара од социјалната мрежа да докаже дека тие се помалку од 5% од вкупните сметки и во оваа точка се чини дека бил категоричен. Информациите кои не пристигнаа го наведоа Маск да тврди дека „Твитер не ги почитувал своите договорни обврски“.
Други тврдат дека Маск се сретнал со вработените во социјалната мрежа, и дека е загрижен за моменталната ситуација (а можеби и идната) на компанијата во која работат: вработувањето е практично блокирано и значителен дел од тимот за човечки ресурси е отпуштен. Кризна ситуација која всушност влијае на технолошкиот сектор во поширока смисла.
Но, според најскептичните, како што објави Вашингтон пост, Маск барал само валидна причина да излезе што е можно понеповреден од она што можеби сега го смета за лош договор. А има и такви кои забележуваат дека падот на вредноста на акциите не само на Твитер (која достигна 37 долари), туку и на Tесла, ја направил операцијата економски неодржлива.
Дали е дефинитивно откажување или станува збор само за „играње“ и влечење за да се грабне поповолен договор, сè уште е невозможно да се каже.
Во секој случај коментарите за овие игри на Маск не се позитивни. Некои го нарекуваат измамник на новиот милениум, а други го дефинираа како „Борис Џонсон на технологијата“.
Elon musk is terminating his agreement to buy Twitter: So basically Twitter has a huge amount of spam accounts —way more than they let on — and has gotten busted for it!!!
As I said weeks ago spam accounts are probably 50% not 5% of Twitter users. A— Donald Trump Jr. (@DonaldJTrumpJr) July 8, 2022
