Пејачката Јелена Карлеуша вчера невремето во Белград ја затекнало кога возела со автомобилот да стигне до тетка ѝ Даниела, чиј автомобил заглавил во поплавените улици на Бежанија, а со неа во колата била и ќерката на Карлеуша, Ника.
Автомобилот на Карлеуша се заглавил во водата, а Јелена објасни што точно се случило.
– Синоќа додека се обидував да стигнам до тетка ми Даниела, која беше заглавена во нејзиниот автомобил во вистинско езеро на Бежанија (со неа во автомобилот беше и ќерка ми Ника), со џипот влетав премногу длабоко, без размислување и покрај предупредувањата на полицијата. Останав сама и заглавена во водата која се повеќе се креваше. За среќа, има прекрасни граѓани кои иако имаа проблеми со автомобилите, машки и џентлменски ми помогнаа. Благодарам, им благодарам на спасувачите и на полицијата, тие си ја завршија работата како лавови спасувајќи ги граѓаните, па и мене – напиша Карлеуша, па додаде:
– Успеаја да ми го спасат автомобилот кој на полноќ беше однесен во сервис! Таму најдов некои луѓе кои го чистеа автосалонот од поплавата, па мислев дека работат таму како чистачи. Испадна дека директорот чистел, па еве и нему му се заблагодарувам за целото малтретирање околу колата (никогаш не го потценувајте тој што чисти).
