Во август, светските медиуми почнаа да шпекулираат дека Кајли Џенер е повторно бремена, а дека таму каде што има чад има и оган потврди и синоќешната објава на ѕвездата на својот инстаграм-профил.
View this post on Instagram
Кајли ја држеше во тајност првата бременост, а светот дозна дека дури неколку дена по раѓањето на нејзината ќерка Сторми.
Американската ријалити ѕвезда и претприемачка Кајли Џенер веста за својата втора бременост ја објави на социјалната мрежа „Инстаграм“ ставајќи крај на гласините.
View this post on Instagram
Во видеото од 90 секунди, 24-годишната Кајли вели дека очекува бебе со своето момче, раперот Тревис Скот. Двојката веќе ја има тригодишната ќерка Сторми.
Видеото започнува со прикажување на позитивен тест за бременост, а потоа се гледа како Џенер и нејзиното 30-годишно момче одат на лекар.
View this post on Instagram
Следуваат исечоци од прославата на 24-тиот роденден на Кајли во август и снимки како Сторми го бакнува стомакот на нејзината мајка.
„Бремена си?“, во видеото ја прашува мајката на Кајли, Крис Џенер, гледајќи ги снимките од ултразвук и додава дека ова е еден од најсреќните денови во нејзиниот живот.
Во август бројни медиуми пишуваа за бременоста на Кајли, но синоќешната објава беше првата јавна потврда за информацијата.
Кајли, најмладата сестра од кланот Кардашијан, ја чуваше својата прва бременост во тајност, а веста дојде неколку дена по раѓањето на нејзината ќерка Сторми.
View this post on Instagram
Последната епизода од реалното шоу „Keeping Up With The Kardashians“, што го прослави семејството, беше емитувана во јуни.
Кајли Џенер е една од највлијателните трендсетерки на денешницата и во моментов ја следат околу 265 милиони луѓе на „Инстаграм“.
