Хрватската пејачка Јосипа Лисац (74) се огласи за насловите во медиумите и написите за наводните изјави што ги дала за пејачката Александра Пријовиќ (28).
„Последниве денови читам застрашувачки зборови од различни портали за навреда што сум ѝ ја нанела на Александра Пријовиќ.
Но, тоа не се мои зборови. Тие зборови се измислени – ваши се.
Тие се крајно злонамерни и опасни.
Нивната цел е да внесат немир и омраза меѓу луѓето.
Зошто се радувате да им нанесувате зло на другите?
Ме повредувате. Истовремено, преку вулгарни наслови ја повредивте и младата Александра! Ги повредувате луѓето. Зошто?“, напиша Лисац на социјалните мрежи.
Да потсетиме, Јосипа Лисац неодамна имаше концерт во Домот на спортовите во Загреб, а на социјалните мрежи се појави видео на кое вели дека „не ѝ е местото“ во Загрепската арена. Многумина таа изјава ја протолкуваа како критика за честите концерти на турбофолк ѕвездите кои се одржуваат таму во последно време.
@leshotok logično iz Doma sportova 🧡 @Josipa Lisac Fox #josipalisac #dnevnikjedneljubavi ♬ meni tamo naprosto nije mjesto Josipa Lisac – IDEM NA DORU NA 10k FOLOVERA
