Српската пејачка Јелена Карлеуша најави дека наскоро повторно ќе биде активна на Инстаграм.
Таа на социјалната мрежа Икс откри дека новиот профил ќе го отвори на 17 август, денот кога го слави својот роденден.
„На мојот роденден, 17 август, ќе отворам нов профил на Инстаграм“, порача Карлеуша, додавајќи емотикон со скршено срце.
Na moj rodjendan, 17. avgusta, otvoriću novi profil na instagramu.
❤️🩹— Jelena Karleuša (@karlinbich) August 11, 2026
Нејзиниот претходен профил имаше голем број следбеници, а најавата за враќањето предизвика бројни реакции кај нејзините обожаватели.
Карлеуша во последниот период беше во центарот на јавноста и по откажувањето на нејзиниот настап во Хрватска.
Во изјава за „РТЛ Данас“, таа рече дека очекувала таков исход и ги отфрли обвинувањата дека некогаш зборувала против хрватскиот народ.
Пејачката тврдеше дека нејзините претходни изјави се однесувале на политички прашања и дека дел од нив биле извадени од контекст. Таа нагласи дека музиката и политиката не треба да се мешаат и порача дека хрватските изведувачи секогаш се добредојдени во Србија.
„Никогаш во животот не сум кажала збор против хрватскиот народ, ниту ќе кажам“, истакна Карлеуша, додавајќи дека се надева оти повторно ќе настапува во Хрватска кога ќе стивнат актуелните тензии.
