Ќерките на поп – sвездата Јелена Карлеуша (42) и фудбалерот Душко Тошиќ (35), Атина (12) и Ника (11), прераснаа во вистински убавици и прекрасни млади дами, со што се гордеат и нивните родители.
Јелена објави фотографија од прошетката низ Белград со нејзините две прекрасни ќерки, тинејџерките Атина и Ника кои многу се разликуваа во нивниот стил и изглед.
Ника беше облечена во црна комбинација која ја надополни со спортски патики и интересна – пуфкаста јакна, а додека Атина се одлучи за колоритен фустан во пастелни бои кој го надополни со интересни бели мартинки и бела бунда од вештачко крзно.
Јелена како и некогаш непогрешлива во својот моден избор блескаше во син капут, бел шешир и чанта надополнета со високи чизми во беж боја.
Сите три дами беа скоцнани од глава до пети, а сите коментираа дека постарата ќерка навистина се повеќе наликува на нејзината мајка.
Атина и Ника го привлекуваат вниманието на јавноста уште од мали нозе. Ника е позната по смешните видеа кои ги споделува на социјалните мрежи, а исто така и како млада дама која ужива во фудбалот, наследено од нејзиниот татко, а Анита се повеќе ја споредуваат со Јелена од изглед до стил.
Двете тинејџерки сега имаат и свои профили на Инстаграм и се чини дека се на добар пат да стигнат до огромен број на фанови за многу кратко време.
