Српската пејачка Весна Змијанац отворено проговори за своето повеќедецениско ривалство со колешката Лепа Брена и призна дека и двете секогаш изгледале добро, но дека таа е подобрата пејачка.
Весна Змијанац гостуваше во емисијата „Ами џи шоу“, каде ѝ беше поставено прашање за односот со Лепа Брена.
„И двете изгледавме добро, можеби јас бев малку подобра пејачка“, искрено одговори Весна Змијанац, нагласувајќи дека и двете биле многу активни и воделе здрав живот.
Змијанац се осврна и на неодамнешниот инцидент на Лепа Брена, кога пејачката беше повредена на концерт во Загреб .
Иако не е во контакт со Брена, Змијанац изрази загриженост за нејзиното здравје.
„Не ѝ се јавив. Не можам ни да се јавам. Не знам ни на кого да му се јавам, ниту дали се јавува на телефон“, признала Весна, но додала дека се надева дека Брена нема да има сериозни проблеми со повредата.
