За мене стареењето е прифаќање на тоа кој сте вие, што сте и едноставно продолжување понатаму, изјави легендарната актерка…
Британската актерка и оскаровска Хелен Мирен (73) со години зборува за тоа како убавината не и е важна и дека поради изгледот таа никогаш не би заминала „под нож“.
„Стара сум и така изгледам. И тоа е сосема во ред. Љуѓето зборуваат за грациозно стареење, а јас всушност не знам што воопшто значи тоа. За мене тоа е прифаќање на тоа кој сте вие, што сте и едноставно продолжување понатаму“, изјави легендарната актерка.
Таа вели дека „феноменот Кардашијан“ не е импресивен, но мисли дека „тоа донело нешто добро“ – на жените им е дозволено да имаат задници и бутови.
Во интервјуто таа откри и како многу и е важна независноста, а родителите уште од мали нозе ја научиле дека никогаш не треба да зависи од мажот. Ниту емотивно, ниту финансиски.
„Една од работите на која ме научија родителите, а тоа за мене како жена е многу важно, е дека морам да бидам финансиски независна. Отсекогаш работев, буквално секоја година од својата кариера работев најмалку две или три работи. Сега сум финансиски независна и сигурна, а го направив тоа сама, никој не ми помогна“, откри Хелен.
