Аргентинката Георгина Родригез неодамна сними документарен филм за нејзиниот живот наречен „Soy Georgina“ – „Јас сум Георгина“, и откри дека едвај чека Кристијано Роналдо да ја запроси.
„Не зависи од мене, но би сакала“, рече таа во краткото видео што го објави на својот инстаграм-профил.
View this post on Instagram
„Мојата реалност наскоро доаѓа на „Нетфликс“. Едвај чекам да ја видам, многу сум возбудена“, напиша таа со објавата.
27-годишната Георгина и 36-годишниот Роналдо имаат тригодишна ќерка Алан Мартин и заедно ги воспитуваат неговите други деца, Кристијан (11), Матеа (4) и Ева Марија (4).
„Се запознав со Кристијано еден летен четврток, кога излегував од продавницата и сретнав згоден црномурен маж, висок речиси два метри“, вели таа.
View this post on Instagram
Документарецот ќе се фокусира на животот на Георгина, како и на нивната љубовна приказна, и како Роналдо се вљубил во младата продавачка.
„Имам 27 години, мојот живот целосно се промени пред пет години“, вели таа во еден од исечоците.
Сè уште не се знае кога точно ќе се прикаже документарниот филм, но Георгија најави дека би требало премиерата да се случи наскоро.
View this post on Instagram
„Георгина е добра девојка. Кристијано е одличен татко, но има и луѓе кои му помагаат. Децата имаат дадилки и персонал кои прават многу работи. Четири деца е многу работа. Георгина е голема поддршка за Кристијано, нема сомнение во тоа“, изјави мајката на Роналдо, Долорес Авиеро за „ДЕЈЛИ МЕИЛ“, иако тие две наводно не се во добри односи.
