По тешко боледување вчера почина пејачката Мерима Његомир. Имено, неодамна беше откриено дека пејачката боледува од рак и дека е во тешка состојба, а децата до самиот крај беа со неа. Ќерката на Мерима, Љубица Његомир со „Republika“ зборуваше за последните денови на нејзината мајка.
– Последните два месеци бевме со мајка ни, ние четирите деца. Тоа ѝ значеше многу, а и нам. Беше голема чест и привилегија да ја имаме Мерима за мајка, таа беше наш столб и потпора цел живот. Таа отсекогаш била центарот на нашето семејство. Немаше последна желба бидејќи никогаш не зборувавме за крајот… Не верувавме дека крајот ќе дојде толку брзо. Се бореше и никогаш не сакаше да зборува за крајот – рече ќерката на Мерима Његомир и додаде:
View this post on Instagram
-Толку луѓе ни се јавија и ни дадоа поддршка, луѓе што ги знаеме и луѓе што не ги знаеме. Дури сега некако сфативме колку нашата мајка беше сакана, пожртвувана и ценета, колку им беше драга на луѓето. Морам да кажам дека не сме свесни дека веќе ја нема, не можеме да прифатиме… Сите сме уште во шок, сѐ се случи одеднаш – изјави Љубица Његомир.
