Едита Арадиновиќ ги брои последните денови до раѓањето на своето прво дете. Пејачката, која е во деветтиот месец од бременоста, на социјалните мрежи сподели нова фотографија на која гордо го покажува трудничкото стомаче.
Фотографијата е направена во природа, каде што Едита позира во лежерно издание, со насмевка на лицето. Нејзината објава брзо доби бројни позитивни реакции, а следбениците ѝ упатија честитки и убави желби во пресрет на породувањето.
View this post on Instagram
Во последниот период пејачката поретко се појавува во јавноста, бидејќи времето го посветува на бременоста и на подготовките за доаѓањето на ќерката. Сепак, повремено објавува фотографии и моменти од секојдневието, кои секогаш предизвикуваат голем интерес кај нејзините обожаватели.
Покрај подготовките за проширување на семејството, Едита неодамна започна и со изградба на нов дом на Авала. Таа на социјалните мрежи покажа како изгледа парцелата и откри дека изградбата ќе трае околу една година.
Пејачката веќе се сретнала со архитектот за да ги договори првите чекори околу проектот, а низ шега им порача на своите следбеници дека ќе ги вклучи во целиот процес.
„Денес е еден од оние потешки денови, но имам толку многу обврски што немам време да размислувам како се чувствувам. Можеби во овој процес и вие ќе ми помогнете мене, а можеби и јас вам. И да, понекогаш ќе бидам напорна, затоа што овој процес ќе трае една година, но ветувам дека ќе биде забавно“, напиша Едита.
