Во чест на Владо Јаневски, фолк-пејачката Татјана Лазаревска имаше исклучително емотивен настап пред македонските иселеници во Австралија каде што долги години живее.
Таа од сцената оддаде длабока почит кон неодамна починатиот кантавтот Владо Јаневски, повикувајќи ја публиката со громогласен аплауз да го поздрави неговото творештво кое остави неизбришлива трага во македонската забавна музика.
„Неодамна нѐ напушти. Тоа е нашиот драг колега Владо Јаневски, за жал… Многу рано нѐ напушти, остави многу, многу хитови. И сакам оваа вечер со еден аплауз горе на небото да го поздравиме нашиот великан Владо Јаневски. Одиме со нашата химна“, рече Татјана Лазаревска.
По овие зборови, пејачката најави дека во негова чест ќе ја испее безвременската „Ова е само наше Скопје“, еден од најголемите хитови на Владо Јаневски.
Владо почина на 28 јуни во Скопје, по кусо боледување, на 65 години.
