Легендарната пејачка Зорица Брунцлик го прослави својот 71. роденден со раскошна прослава, а дел од атмосферата сподели и со своите следбеници на Инстаграм.
На фотографијата што ја објави, во преден план се наоѓа голем црвен балон во форма на срце со златниот натпис „З & К“, иницијалите на Зорица и нејзиниот сопруг, Мирољуб Аранѓеловиќ Кемиш.
Најголемо внимание, сепак, привлече роденденската торта на повеќе ката. Несекојдневниот десерт е изработен во форма на луксузен карусел со златни коњчиња и богати декоративни детали, а во подножјето е украсен со свежи рози во розови, црвени и портокалови нијанси.
Целиот амбиент бил дополнет со голем лак од розови, црвени и бели балони, од кои дел го носеле натписот „Happy Birthday“.
Пејачката ја објави фотографијата со музичка подлога од својата позната песна „Све је љубав“, а во описот им се заблагодари на сите што ѝ испратиле честитки.
„Ви благодарам на сите за прекрасните желби“, напиша Брунцлик, додавајќи три емотикони со црвено срце.
