Кумановката Теа Ѓоргиевска (21) е прва македонска претставничка во историјата на престижниот избор за убавина – Мис Универзум, кој годинава го има 73. издание и се одржува во Мексико Сити, Мексико.
Во конкуренција од 125 учеснички од различни земји ширум светот, младата Ѓоргиевска ќе се обиде да се избори за титулата „најубава жена на светот“.
Иако финалето ќе се одржи утревечер (16 ноември), убавиците веќе почнаа со своите активности во рамки на нивното претставување.
Така, тие вчера се претставија со национални костими, а македонската претставничка блесна во традиционална македонска носија. чија главна карактеристика е везот со раскошни и геометриски шари, како и специфичните орнаменти и мотиви.
