Кога би требало да избереме една дама од светските ѕвезди од забавната индустрија која би ја понела титулата апсолутна кралица на високите потпетици, тоа без размислување би била актерката Софија Вергара.
Познатата 49-годишна Колумбијка едноставно обожава чевли со високи потпетици. Секако, не мислиме на модели со умерена потпетица од 8 или 10 сантиметри затоа што Софија е специјализирана да носи таканаречени облакодери со потпетица од 15 и повеќе сантиметри.
View this post on Instagram
Тука се и нејзините омилени сандали на платформа, кои повремено ги заменува со сандали, а дури и кога носи патики, преферира модели со скриена внатрешна потпетица.
Последниот избор на чевли со кој Вергара беше уловена од папараците беше нешто невообичаено за актерката. Убавицата отишла во продавницата Mehraban Rugs во Лос Анџелес, каде разгледувала рачно изработени теписи, а за лежерна пригода избрала еднакво лежерна комбинација, која се состоела од искинати фармерки и обична црна маичка.
Наместо чевли со висока потпетица, Софија овој пат носела максимално удобни анатомски влечки со надигнување во пределот на петицата и ергономски ѓон. Со оглед на тоа што неодамна го повреди глуждот, високите потпетици дефинитивно не може да ги носи во моментов бидејќи тоа би го забавило нејзиното закрепнување.
Изгледа само повреда можеше да ја натера кралицата на вртоглавите потпетици да излезе во удобни анатомски влечки.
