Хрватската пејачка Северина откри дека Бадник го поминала во друштво на својата мајка Ана, а на социјалните мрежи сподели фотографии на кои двете позираат прегрнати и насмеани.
Опкружени со божиќна декорација, Северина нежно ја прегрнува мајка си, а покрај фотографиите напиша: „Каде што е мама, таму е домот“.
„Еден за нас посебен Бадник“, додаде пејачката.
View this post on Instagram
Северина во повеќе наврати има истакнато колку ѝ значи поддршката од мајка ѝ, особено за време на тешкиот период низ кој помина во борбата за старателство над својот син.
„Мамо, среќна сум што токму мене ме роди. Ти си мајка над мајките и моја кралица. Пет месеци беше во кома по моето раѓање, но велиш дека вредело“, изјави Северина претходно.
Мајката Ана застана во одбрана на Северина и по конфликтот со нејзината сестра во 2022 година, кога пејачката беше пријавена по инцидент на аеродромот. Тогаш се појавија информации за семеен судир околу имот, при што Северина се здоби со повреди.
Ана тогаш изјави дека нејзината ќерка Марјана „сама се фрлала“ и дека тоа не било првпат да ја пријави сестра си.
