Актерката Ким Катрал е жена која отсекогаш зрачела со неверојатен сексапил, а нејзиниот лик Саманта Џоунс од серијата „Sex and the City“ ѝ донесе светска слава и илјадници обожаватели ширум светот.
Иако одби да биде дел од продолжението на серијата – „And Just Like That“, со исклучок од неколкуминутната сцена од последната епизода на втората сезона, и сега работи на некои поинакви актерски проекти, 67-годишната Катрал сѐ уште може да се пофали со феноменален физички изглед.
Доказ за тоа е нејзиниот најнов порект – модната кампања на модниот бренд „Скимс“ на старлетата Ким Кардашијан.
Катрал позираше во повеќе бодија и фустани од актуелната колекција на брендот, искомбинирани со црни високи чевли и природен изглед – едноставна шминка и лежерна, брановидна фризура.
Покрај Катрал, во кампањата учествуваат и пејачката Нели Фуртадо, актерката Хари Неф, пејачката Коко Џонс и актерката Лана Кондор.
Во продолжение, погледнете ги фотографиите на легендарната „Саманта“.
