Познатата македонска новинарка, водителка и поранешна директорка на Театар Комедија, Нора Шаќири, се појави во јавноста со посебен повод.
Таа вчера го прослави 44. роденден. Меѓу оние кои на најемотивен начин ѝ го честитаа овој посебен ден е диџеј Мац. На својот инстаграм-профил, тој сподели заедничка фотографија која сведочи за нивното долгогодишно пријателство.
На објавата, тој на англиски јазик напиша: „Happy Birthday My dear Sister “ (Среќен роденден моја драга сестро), со што уште еднаш покажа дека нивната поврзаност е силна како семејна.
За македонската јавност, Нора Шаќири е многу повеќе од само препознатливо ТВ-лице. Потекнува од познато скопско семејство со длабоки корени во новинарството и културата, што несомнено го трасираше и нејзиниот професионален пат.
Нора својата кариера ја градеше низ бројни медиумски проекти, работејќи како новинар и водител во влијателни македонски телевизиски куќи. Позната е по нејзиниот остар јазик, директен пристап и харизма. Денес, Нора е посветена мајка на својот син Ијан.
