Српскиот пејач Никола Роквиќ се збогуваше со својот близок пријател Драган Вулетиќ Златник, познат белградски угостител. По повод неговата смрт, пејачот објави видео на социјалните мрежи и сподели кратка, но емотивна порака.
На снимката Драган се наоѓа во кафеана, опкружен со музичари, додека зборува за својата љубов кон кафеанската атмосфера.
„Со Бога, драг пријателе“, напиша Роквиќ покрај видеото, додавајќи емотикони со бел гулаб и црвено срце.
Nikola Rokvić se oprostio od Dragana Zlatnika https://t.co/cmawXNkHlL
— Malagaravaa (@vaskekopirinac) October 12, 2026
Со оваа објава пејачот му оддаде почит на човекот со кого бил близок, а неговите зборови беа едноставно збогување со пријателот.
Никола Роквиќ во минатото отворено зборуваше и за најголемата загуба во својот живот – смртта на неговиот татко, пејачот Маринко Роквиќ, кој почина пред пет години.
По неговата смрт, Никола не ги криеше тагата и болката, но истовремено истакна колку му значело тоа што го имал токму него за татко.
„Што да ви кажам, дадовме јавно соопштение. Како би се чувствувале вие? Тешко ни е, немам зборови. Излегов надвор, не знам што да кажам. Се надевам дека ја разбирате нашата тага, болка, но и радоста што имавме таков татко, кој ни покажа многу работи, особено во последната година од неговата борба со ракот. Покажа човечност и храброст, нè поштеди од сопствената болка и беше голем јунак. Ви благодарам за разбирањето“, изјави тогаш пејачот.
Маринко Роквиќ боледуваше од рак на панкреасот, но и покрај лекувањето, ја загуби битката со болеста. Семејството тогаш се огласи со соопштение за неговата смрт.
