Поранешната македонска водителка Натали Грубовиќ, која публиката ја памети по популарната емисија „Супер Бинго“, има нов повод за славење. Таа магистрираше на Економскиот факултет во Скопје, а убавата вест беше споделена на социјалните мрежи.
Меѓу оние што јавно ѝ честитаа беше и Ленче Карпузовска, менаџерка за комуникации во ЕВН, која објави фотографии од овој значаен момент.
„Магистрираше! Се гордеам со тебе Натали“, напиша Карпузовска на фотографиите, кои поранешната водителка ги сподели и на своите инстаграм-приказни.
Иако веќе подолго време не е дел од македонската телевизиска сцена, Натали повремено го привлекува интересот на јавноста со своите објави на социјалните мрежи.
Поранешната водителка од 2016 година е во брак со српскиот бизнисмен Дрен Глушац, со кого ја има ќерката Натали. Интересно е што мајката и ќерката го носат истото име, а семејството живее во Нови Сад.
