Српскиот рокер Бора Ѓорѓевиќ, попознат како Бора Чорба почина на 4 септември на 72-годишна возраст, а во саботата му бил одржан четириесетдневен помен.
На денот на неговиот погреб, на една зграда веќе осамнал мурал со неговиот лик, а сега, на 40-тиот ден од неговата смрт, се појавил нов, и тоа во Белград. На него се гледа покојниот рокер во своето препознатливо издание од концертот, додека на ѕидот пишува: „Кога ќе дојдеш кај Бог по вистината, нека владее мир во твојата душа! 1952-2024 година“. Инаку, ова е стих од неговата песна „Погледај дом свој анѓеле“ (Pogledaj dom svoj anđele).
Да потсетиме, на Градските гробишта во Чачак се собраа членови на семејството, пријатели, но и почитувачи на неговото дело.
– Тој е човек кој преку своите дела, своите песни ќе биде меѓу нас засекогаш, иако се пресели на другиот свет. Неговите вонвременски стихови и на идните генерации ќе им зборуваат колку бил голем и поинаков од сите други – изјавиле за медиумите пријателите на Бора.
Фронтменот на „Рибља чорба“ по сопствена желба е погребан во родниот Чачак, иако неговите родители се погребани во Белград.
На комеморацијата и погребот присуствуваа многу негови колеги: Момчило Бајагиќ Бајага, Мирослав Илиќ, Миша Мијатовиќ, Зоран Дашиќ Даша, Дејан Петровиќ, Ѓорѓе Давид, Ера Ојданиќ и многу други.
Фотографијата од муралот на Бора Ѓорѓевиќ можете да го погледнете – ТУКА.
