Маја Шупут за финалето на музичкото натпреварување „Суперталент“ облече фустан тежок дури 15 килограми.
Хрватската пејачка, која беше во жирито на 10-та сезона на популарното натпреварување, го привлекуваше вниманието од емисија во емисија со своите необични изданија, а во последната емисија која се емитуваше ноќта спроти Божиќ реши да внесе примеси на празнична атмосфера.
„Вечерва како Маја Мраз. Не треба да гледате низ оџак или низ прозорец. Доволно е да ја вклучите Нова ТВ и ќе дојдам кај вас со еден клик. Свртете се во спектакуларното финале на ‘Суперталент’ и уживајте во најдобрата семејна забава“, напиша Маја под објавата на Инстаграм.
Имено, пејачката облече долг црвен фустан, кој за неа го изработи хрватскиот стилист и дизајнер Марко Грубниќ, кој во оваа прилика за „Дневник“ изјави дека тоа е неговата верзија на божиќниот фустан.
„Многу жени работеа и многу, многу метри материјал беа искористени за фустанот. Кристалите на рамото се рачно сошиени, фустанот е изработен од црвено, прекрасно, божиќно кадифе со бели рабови. Ова е мојата верзија на модерна Баба Мразица, со прекрасна божиќна тоалета кој всушност е кринолина, а одоздола е фустан со корсет, исклучително тежок и голем. Маја е тежок професионалец, кој никогаш не се жали и навистина прави сѐ без проблеми, но овој пат тоа беше сериозен проблем бидејќи фустанот тежи 15 килограми“, изјави Грубниќ.
