Пропалестинските и антиизраелските групи денеска организираа големи протести во Малме, Шведска.
Шведската полиција проценува дека пропалестинскиот марш во центарот на Малме привлече околу 8.000 луѓе кои носеа палестински знамиња и шамии, тапани, свирчиња, звучници и факели.
Демонстрантите ги извикуваа слоганите: „Ова е геноцид“, „Сите деца се еднакви“ и „Шведска разбуди се!“.
Шведските медиуми јавуваат дека на протестите учествуваат граѓани од цела Шведска, но и од Данска, Франција и Португалија. Во протестната поворка има дури и семејства со мали деца и стари лица во колички. Од полицијата велат дека засега нема инциденти.
Медиумите јавија дека на протестот учествува и познатата активистка Грета Тунберг, која рече: „Прекрасно е да се види дека овде има толку многу луѓе кои се залагаат за Палестина“.
Malmo stands in solidarity with Palestine, as massive crowds protest against Israel’s presence in Eurovision.
Thank you Sweden 🇸🇪
🇵🇸🔥 pic.twitter.com/s5HHwzRFyv
— sarah (@sahouraxo) May 9, 2024
Истовреме, за време на последните проби во салата каде што се одржува Евровизија, двајца мажи извадиле палестинско знаме и марама позната како „палестинка“ за време на настапот на израелската претставничка Еден Голан.
Обезбедувањето веднаш им ги одзеде симболите и ги спроведе надвор од салата.
