Македонскиот фризер и шминкер Марјан Петров деновиве престојува во Милано, каде што го прослави својот роденден, но и имаше можност да се сретне со две светски ѕвезди – Адријана Лима и Сијара.
Петров дел од атмосферата од престојот во Италија ја сподели на својот профил на Инстаграм. Роденденот го одбележал во ресторан во друштво на блиски пријатели, а меѓу гостите била и српската пејачка Слаѓа Алегро, со која долги години негува пријателство.
View this post on Instagram
Покрај фотографиите од роденденската прослава и тортата украсена со шумско овошје, македонскиот шминкер ги изненади следбениците и со фотографија со славната манекенка Адријана Лима.
„Само еден опуштен момент со Адријана Лима“, напиша Петров покрај фотографијата од нивната средба.
View this post on Instagram
Набргу потоа следуваше уште една објава со познато име. Петров позираше и со американската пејачка Сијара, а фотографијата исто така ја сподели со своите следбеници.
View this post on Instagram
Така, роденденското патување во Милано за Петров помина во знакот на дружењето, прославата и неочекуваните средби со познати личности од светската модна и музичка сцена.
