Македонската мисица Ева Величковска престојуваше во Истанбул пред да отпатува за Виетнам, каде што ќе ја претставува Македонија на меѓународниот избор за убавина „Мис на светот 2026“.
Дваесетгодишната Величковска, која годинава ја освои титулата „Мис на Македонија“, сподели повеќе фотографии од посетата на турската метропола. Таа престојувала во Истанбул по повод свадбена прослава, а слободното време го искористила за прошетки и разгледување на градот.
Посебно внимание привлече нејзината средба со познатата турска актерка Мерјем Узерли, која македонската публика најмногу ја препознава по улогата на Хурем Султан во хит-серијата „Величествениот“.
Величковска објави и заедничка фотографија со актерката на социјалните мрежи.
„Уживајќи во Истанбул пред Мис на светот“, напиша таа на Инстаграм.
Престојот во Истанбул доаѓа непосредно пред нејзините обврски поврзани со изборот за убавина. Според најавите, 75. издание на „Мис на светот“ ќе се одржи од 12 август до 5 септември во Виетнам.
