Популарната пејачка Наташа Беквалац вчера го објави албумот „Мама“, кој изобилува со биографски песни. За својот приватен живот зборувала синоќа во емисијата „Амиџи шоу“, каде се осврнала и на своите поранешни партнери. Посебно внимание привлекол нејзиниот коментар дека би му се вратила на својот поранешен сопруг Данило Дача Икодиновиќ.
Наташа на водителот Огњен Амиџиќ му признала кој поранешен партнер најмногу повредила, а потоа ја шокирала публиката.
– Сите тие повреди ми се како мои песни, како мои деца и сите ми се мили. Но, шега на страна, и поради тоа ми е жал, мислам дека својот втор сопруг го повредив најмногу – Љуба. Јас му реков, а тој ми рече: „Океј“ – рекла Наташа.
Огњен потоа ѝ поставил прашање на кој поранешен партнер би му се вратила ако мора да избира, на што таа како од топ одговорила.
– На Данило би му се вратила!
Нејзината изјава очигледно не ѝ се допаднала на Маја Огњеновиќ, која неодамна се разведе од Данило Икодиновиќ. Таа синоќа се огласила на социјалната мрежа Инстаграм и го споделила логото на телевизиската куќа „Телевиса“, позната по креирањето на омилените латино сапуници. Маја со ова алудирање јасно ставила до знаење дека на целата ситуација гледа како на „шпанска серија“. Покрај тоа, ставила и емотикон кој мистериозно ја држи раката преку устата и се смешка.
За потсетување, Наташа во „Амиџи шоу“ се осврнала и на разводот на Маја и Данило.
– Не се радувам на разводот, но мило ми е што сме 1:1, односно 3:3, не сме се слушнале по тој повод. Нашата комуникација е поврзана за ќерката. Му пратив порака, му одговори со „хахаха“. Не можам да кажам што напишав, тој ќе се налути. Сака да ги зачува тие работи за себе, јас сум транспарентна – рекла Наташа.
