Пејачката Ана Николиќ неодамна го пријави својот партнер Горан Ратковиќ Рале за насилство, поради што тој доби забрана за приоѓање од 30 дена, за што медиумите пишуваа во претходниот период.
Сега, Ана и Рале се смириле и пејачката наводно му простила сè, но кријат од јавноста дека повторно се заедно. Рале наводно повторно спие во станот на пејачката во Вождовац и се шушка дека бил виден кај неа три ноќи по ред.
Како што пренесуваат српските медиуми, штом престанала забраната за приоѓање, тие двајца повторно се виделе.
Како што истакнува извор близок до композиторот, тие не можат еден без друг.
– Штом помина еден месец, колку што траеше забраната за приоѓање, ете го Рале повторно кај Ана. Неодамна беше виден три вечери по ред како доаѓа кај неа. Се смириле и сега сè е како што треба. Во понеделникот заедно биле во еден ресторан во Земун. Продолжуваат каде што застанале, но тоа го кријат од јавноста. Засега се мирни и сè е во најдобар ред. Сепак, Ана Николиќ не објавува заеднички фотографии ниту го споменува на мрежите бидејќи имаат таков договор – изјавил за Курир извор близок до композиторот.
