Хрватската дива Јосипа Лисац вечерва ги пее своите најубави песни пред македонската публика во Филхармонија.
Овој концерт е дел од нејзината регионална турнеја, по повод педесетгодишнината од нејзиниот студиски албум „Дневник једне љубави“ (1973).
На пат кон Македонија, таа имала интересна средба со членови на Ветеранскиот ватерполо клуб „Магла“ од Сплит, кои исто така патувале кон Скопје.
„Оваа средба е прекрасен пример како уметноста може да се поврзе со различни аспекти од животот. Нека музиката и спортот секогаш останат инспирација за единство“, пишува на официјалниот профил на Јосипа Лисац.
Патем, ватерполистите ќе учествуваат на третиот меѓународен мастерс турнир во ватерполо, кој се одржува денес и утре во базенот на спортската сала „Борис Трајковски“.
