Игор Џамбазов на социјалните мрежи често споделува убави приказни обременети од носталгија, со кои може да се поврземе скоро сите. Шоуменот сега нè однесе во 1982 година и сподели фотографија од војничките денови, со цел да го обележи престојот во касарната „4 јул“.
„’Кад сам млаѓан војник био ја…’ Точно пред 40 години…“, напиша Игор во описот на фотографијата.
Минатата година, Игор се потсети на една ситуација кога неговиот татко, маестро Александар Џамбазов го посетил додека тој служел војска во Белград.
„Во 1981 бев во војска. У Београду. Кога првпат ми кажаа дека ми дошла посета ‘из Македоније’, прашав – ‘кој’? А дежурниот на капијата ми рече: ‘Како ко, па дошо ти брат.’ Бидејќи од сигурни извори знаев дека имам сестра, а не брат, бев сигурен дека е некоја грешка. И кога, конечно, стигнав до капијата, го видов татко ми Џамбаз. Во фармерки, тексас-јакна и очила ‘ленонки’. А дежурниот ми вика: ‘Брат ти је закон. А како личите, је*о вас пас’. И денес сфаќам да је био у праву“, напиша Игор тогаш.
View this post on Instagram
