Српскиот пејач Миле Китиќ неодамна имаше настап во еден клуб во босанскиот град Сребеник, а според видеото кое кружи на социјалните медиуми – дошло до инцидент.
На страницата на Инстаграм „Црна хроника БиХ“ е објавено видео на кое се гледа како мажи се тепаат пред клубот. По некое време, пристигнале и полициски службеници, кои ги раздвоиле мажите.
Не се знае дали инцидентот се случил внатре во клубот, но сигурно е дека не ја прекинале забавата бидејќи на видеото се слуша како некој сѐ уште пее во клубот.
Истовремено, сопругата на Миле – Марта Савиќ ужива далеку од Србија, поточно во Доминиканската Република.
Таа своевремено проговори за шпекулациите за нејзиниот брак со пејачот и откри каква врска имаат тие.
„Јас и Миле не се караме. Не се сеќавам кога сме се скарале за нешто. Можеби кога Елена беше мала. Се разбираме и кога молчиме. Ние сме си љубов и поддршка еден на други и наскоро планираме да се венчаме во цркв“, откри таа, а потоа се осврна на негативните коментари за нејзиниот „отворен брак“.
„Ги поминавме сите фази од животот и заслужуваме да живееме слободно и опуштено. Отворени сме еден за друг и ја достигнавме возраста кога сакаме да живееме во мир, без непотребни прашања. Животот ни е доволно бурен поради работата, а да се биде успешен сите овие години не е лесно. Заедно сме и кога не сме. Секоја одлука ја носиме со договор. Можеби им сме чудни на другите, но би рекла дека сме повеќе од нормални“, изјавила таа.
