Манекенката Хајди Клум, или како што многумина ја нарекуваат – „кралицата на Ноќта на вештерките“, ни годинава нема да потфрли за „најстрашната ноќ во годината“.
Убавата Германка е позната по своите оригинални забави, но пред сè по своите костими за Ноќта на вештерките, а оваа година ги почести обожавателите со специјална најава.
„Затишје пред бура. Уште три дена до #ХајдиНоќНаВештерките. Моето мото за годинашниот празник е – одам се или ништо“.
Педесетгодишната убавица навести дека е подготвена за нешто големо за време на гостувањето во „Тунајт шоу“ на Џими Фалон во петокот вечерта.
„Тоа ќе биде нешто големо и ќе морам да затворам неколку улици овде на Менхетен, што, патем, ќе биде навистина тешко да се направи“, рече Клум.
Како потсетување, минатата година Хајди Клум ги шокираше фановите кога се појави во огромен костим на дождовен црв. Таа ги организира своите забави за Ноќта на вештерките од 2000 година, а нејзините костими се секогаш многу оригинални.
(Фото) Хајди Клум во топлес издание ужива на Капри: Скулптурно тело и на 50 години
