Популарната пејачка Анастасија Ражнатовиќ реши да направи драстична промена во својот изглед. Таа деновиве ја посети фризерската фотелја и веднаш по третманот на социјалните мрежи објави фотографија со која се пофали на своите следбеници.
Анастасија ја освежи бојата на косата, која сега е посветла за неколку нијанси. Со нежни, дискретни прамени, таа позираше на сонце за да ја прикаже што појасно новата трансформација, која, според коментарите на фановите, совршено ѝ прилега.
Пејачката во моментов живее во Севиља, каде што е во брак со фудбалерот Немања Гудељ. Двајцата веќе неколку години уживаат во хармоничен однос, а тој постојано наоѓа начини да ѝ ја покаже својата љубов. На левата рака, покрај портретите на сестрата Вања и братот Драги, Гудељ неодамна истетовира и „Анастасија“.
