Џордан Белфорт, по чие мемоари е снимен одличниот филм „Волкот од Вол Стрит“ со Леонардо Дикаприо во главна улога, сега ги тужи продуцентите, барајќи им 300 милиони долари отштета.
Филмот на Мартин Скорсезе од 2013 година ги опишува успесите и падовите на Белфорт како брокер, од раскошно богатство до целосен крах.
Обилното и детално прикажување на сцени со консумирање на дроги, сексуална содржина и пцовки, направија „Волкот од Вол Стрит“ да биде предмет на многу критики кога се појави во јавноста.
Wolf of Wall Street Jordan Belfort Is Suing Scorsese Movie Producers For $300M https://t.co/hErzCnp0XQ pic.twitter.com/XA4eX7uraF
— Screen Rant (@screenrant) January 24, 2020
Продуцентската куќа Ред Гранит и нејзиниот извршен директор Риза Азиз моментално се соочуваат со обвиненија за проневера на 248 милиони долари од малезискиот државен развоен фонд.
Белфорт ги продал правата на својот мемоар на оваа продуцентска куќа за 248 милиони долари, но тврди дека компанијата повеќе не е во можност да ги користи правата по скандалот со проневерата.
Меѓутоа, во оваа прилика во јавноста исплива и интервју на Белфорт од 2017 година, во кое тој вели дека луѓето од Ред Гранит се „криминалци“, па тоа и дава уште една димензија на целата приказна, пишува Скрин Рент.
