Тинејџерката сензација, Били Ајлиш, стана најмладата пејачка која пее насловна песна за некој филм од франшизата за тајниот агент Џејмс Бонд 007. Станува збор за песната „No time to die“, која веќе доби позитивни критики од јавноста.
Меланхоличниот глас на Ајлиш придонесува да ве полазат морници кога ја слушате песната.
Обожавателите на франшизата со нетрпение ја очекуваа насловната песна за филмот, која беше објавена истовремено со новиот трејлер за „No Time To Die“, во кој исто така може да се слушне дел од песната.
Интересно е тоа што Били Ајлиш, која неодамна наполни 18 години, сама ја напиша и продуцираше песната за филмот.
Стиховите во песната, како „Паднав на лага… дали си смрт или рај?“ и „Никогаш нема да ме видиш како плачам“, ги поттикнуваат теориите дека во последниот филм на Крег како тајниот агент 007, ќе биде измамен од Медлин Свон (Леа Сејду), жената во која се заљуби во претходниот филм „Spectre“.
Музичките критичари и колегите музичари се воодушевени од песната на Ајлиш.
The Independent објави дека Бонд нумерата на добитничката на Греми награди е „една од најдобрите во последно време“.
Во продолжение преслушајте ја песната, па сами проценете:
