Пејачката Ерика Баду ги сподели резултатите од брзиот тест за ковид-19, кој покажа дека е и позитивна и негативна на коронавирус.
„Немам симптоми. Се тестираав на ковид-19. Истата машина. Левата ноздра позитивна. Десната ноздра негативна“, напиша Баду и додаде дека лекарот пријавил само позитивен резултат. Баду тој ден се тестирала три пати.
„Ова е мојот трет брз тест за 24 часа. Ние секогаш се тестираме пред секој настап. Пред ова се тестирав двапати и левата ноздра беше позитивна, а десната беше негативна. Мораме да ги испитаме овие тестови, ги сакам своите пари назад“, додала подоцна таа, а и ги објавила резултатите од тестовите како доказ.
Баду додала дека се однесува одговорно, дека е во изолација и дека се чувствува добро.
Инаку, И Илон Маск неодамна објави слична работа за брзите тестови.
Извршниот директор на „Тесла“, Маск, објави дека четири пати бил тестиран на ковид-19 во ист ден – двата теста биле позитивни, а двата негативни.
