Пејачката Едита Арадиновиќ се огласи на социјалните мрежи и искрено проговори за секојдневието низ кое поминува за време на бременоста. Таа објави неколку фотографии на кои е елегантно облечена во кафена комбинација, додека излегува од автомобил и шета низ градот, покажувајќи дека и во овој период не се откажува од својот препознатлив стил.
Иако бремена, Едита и понатаму зрачи со самодоверба, а вниманието на следбениците го привлече и со духовит, но искрен коментар за бременичките тегоби.
„Нема што немам, само уште вода во колената немам“, напиша таа во описот на објавата, алудирајќи на сите физички непријатности со кои се соочува.
Нејзината искреност предизвика бројни реакции и пораки со поддршка, а фановите истакнаа дека Едита и во бременоста зрачи со сила, стил и позитивна енергија.
Пејачката неодамна за медиумите изјави дека сè уште не сака прерано да се радува и дека најважно ѝ е здравјето на бебето.
„Да, бремена сум, но сè уште не е моментот за радост, додека не дознаам дека сè е во ред со бебето. Затоа не би навлегувала во детали. Се надевам дека сè ќе биде добро, па тогаш ќе можеме мирно да зборуваме за тоа“, изјави Едита.
