Тие и онака никогаш не биле „нормални”, но во претходните музички изданија сета ненормалност носеше порака на љубов, добрина, заљубеност во „Девојката со точакот” и онаа со големиот „Нос”. „Пеперминт“ со секоја песна и видео спот знаеле, на шала на смеа, преку уникатниот хумор, да испратат силна порака директно погодувајќи во сржта.
Ништо поразлично не е ни со новиот сингл, но две нешта се забележуваат: 1. Бендот музички расте, бидејќи „Ненормално” има џез елементи и 2. За да ги натераме „Пеперминт“, од љубовни песни да испеат ,,ништо нормално, сè полудено..” мора да сме претерале побајаги.
Целосен потпис на музичкото парче става фронтменот Горан Пајак Трифуновски кој е и режисер на спотот за „Ненормално”.
