По подолг период на нарушени односи и прекината комуникација со својот татко, пејачот Харис Џиновиќ, ќерката Џина повторно се најде во фокусот на јавноста откако беше видена во семејниот дом на Сењак во Белград.
Според објавите на социјалните мрежи, Џина пристигнала во Белград и споделила фотографии од излегување, а особено внимание привлече една снимка направена на терасата од луксузната вила, која е во сопственост на нејзиниот татко. Тоа во јавноста се толкува како знак дека односите меѓу нив се подобруваат.
Иако претходно се пишуваше дека Џина и Харис немаат контакт и дека нивниот однос е „замрзнат“, најновите појавувања поттикнаа шпекулации за можно помирување.
Џина веќе подолг период живее во Шпанија, каде што студира и работи, додека семејните односи со таткото беа тема во јавноста и претходно. Самиот Харис во една прилика изјави дека односите со ќерката се „замрзнати“, но нагласи дека ѝ посакува сè најдобро и дека секој млад човек треба да гради сопствен живот и семејство.
Инаку, Џина е ќерка на Харис Џиновиќ и модната креаторка Мелина Џиновиќ, а јавноста често го следи нејзиниот приватен живот, особено по преселбата во странство и појавувањето на настани поврзани со семејството.
